Atrobe ta e tempu di aña den kual bo ta pensa tokante di bon intenshon. Mirando e gran kantidat di persona ku no ta tene nan mes na nan mes bon intenshon, ta bon pa bo realisá bo mes di ki manera ta mas mihó pa formulá bo intenshonnan. Tin algun regla ku por yudabu den esaki. Na momentu ku bo apliká esaki pa ku bo mes bon intenshon pa 2008 bo ta agradá e chèns realisá nan.
Na promé lugá ta importante pa bo tin dilanti ku gran parti di loke bo ta hasi i laga di hasi ta fihá dor di bo sup-konsiente. Pues ora ku bo proponé bu pa hasi algu òf hustamente pa laga algu, ta presisamente e kaso pa konvensé bo sup-konsiente ku esei ta bon i safe pa bo mes. Banda di esei ta di importansha pa sòru ku bo ta hasi impakto riba bo serebro. Bo serebro ta meskos ku un plachi di meta. Si bo dobl’é pokopoko i kouteloso te e ta bula bai bek na su forma anterior. Pero si bo pone riba un mesa i bati riba dje e ta haña un doblá ku bo no por saka mas fo'i dje.
E mihó manera pa laga bo serebro sa ku algu mester kambia ta kuminsá ku sinti bo mes bon. Bo serebro ta siña ma mihó ora kos ta bai lihé i e ta grasioso. Pues kuminsá formulá bo bon intenshonnan den e dianan benidero ora bo tin pleizí. Sòru pa bo ta sobrio tanten bo ta hasiendo esaki, sino bo ta bai relashoná bo bon intenshonnan na e alkohòl.
Den e kaso ku bo ke bai hasi algu (mas) den 2008, visualisá e imágen di kon esei lo ta bai ta. Kon lo bo ta bai komportá bo mes na kubo ta bai hasi loke bo a proponé bo mes. Imaginábu kon esei lo ta ora ku un hende lo traha un dokumental di dje. Bo ta mira bo mes hasiendo loke bo a proponé. Mas detaye bo mira den esaki mas fásil lo bira pa bo sup-konsiente realis’é. Ripití e ehersisio fantástikamente dor di mira e dokumental di bo bida futuro un shen biaha.
Ora ku bo laga di hasi algu, traha un mes dokumental, pero mira ku bo ta ninga e kondukta ménos bon i ku hustamente bo tin un otro aktitut positivo.
Por ehèmpel si bo ke stòp di huma, mira bo mes ta ninga di kumpra i ku lo bo sobra sèn pa hasi otro kos ku bo gusta. Imaginábu si bo ke stòp di snup bo ta mira bo mes ku bo ta keda leu di snup i bo ta hasi kosnan ku bo gusta. Di e sistema ei bo ta tren bo serebro pa hasi lo korekto den 2008. Mi ta deseábu de lo mehor!!!
