... ta di lubidá nan. E frase kreptiko aki ta ilustrá hopi bon unda mi ta kere e poder di realisá bo metanan ta sinta. Hende ta purba hopi duru pa realisá un meta, pero ta parse manera ku mas na purba mas e ta frakasá. Sigur si nan ke realisá algu esaki ta trese mas frustrashon ku éksito. Tin algun kousa pa menshoná i tin algun manera pa harma bo mes pa realisá bo metanan berdaderamente.
E promé tep ta ku kasi semper ta mas importante pa duna bo bida e direkshon korekto ku realisá metanan spesífiko. Di eksperensha mi sa ku hopi trener hustamente ta purba siñabu pa si ta spesífiko anto pa traha na sierto resultado, pero regla ta: mas spesífiko e meta ta stipulá mas chikí e chèns ta ku ta realis’é. Duna e direkshon korekto na bo bida ta mas importante. Manera bo han un direkshon pa bo bida lo bo realisá ku ta mas fásil pa bai dilanti den e direkshon ei i ku un ke otro tambe lo kana mas rilèks. E chèns pa bai den e direkshon korekto ta mas grandi ku realisá un sierto resultado.
E di dos tep ta pa no formulá bo metanan ku palabra, si no pa kapta nan den imágen. Esaki no riba prenchi riba un pida papel pero den un kapasidat di imaginashon den bo kabes. Metanan mester ta den bo mes i no fo'i bo kologá na muraya. Mas tantu detaye bo por imaginá ku bo poder imaginativo mas grandi e chèns ta bira ku bo ta realis’é. Traha en bes di un imágen un pelíkula, pone zonido, holó i smak den dje. Chek ku bo sinti si tin tambe muzik den e pelíkula di futuro aki. Si bo ta haña un sentimentu ménos bon e ora ei ta bon pa kambia pa un otro meta. Palabra ta muchu limitá pa e embergadura di e rikesa real di bo metanan. No pa nada nan ta bisa ku imágen ta bisa mas ku mil palabra.
Di tres i último tep ta pa seguidamente lubidá tur kos i sigui ku bo bida dushi asina. Pa bo rilèks tin pleizi. Investigashon Kanades a demostrá ku ta mas mihó pa tuma desishonnan kompliká inkonsientemente. Realisá bo metanan no ta dependé di e desishonnan kompliká ei. P'esei ta sabio ku bo duna bo sup-konsiente e espasio pa realisá e metanan aki sin strob’é, distraé òf hasta laga e konsiente sabotié. Bo konsiente ta un manera pa enfoká riba algun kaso importante, tanten ku e sub konsiente hustamente tin tur kos na bista. Na momentu di realisá bo metanan ta esaki ta tur e kos.
Pues p’esei e poder di realisá bo metanan ta sintá den lubidá nan.
