Un afirmashon ta un frase ku bo por menshoná ku kual bo ta bai sintibu bon. Nos serebro ta traha a base di 5 sentido (mira # 11. di aña 2007). Pues nos ta sòru pa trese e imágennan positivo dilanti i tambe pensamentu positivo. Un manera pa hasi esei ta dor di hasi uzo di un afirmashon. Tin téknikanan pa por ehèmpel stòp patronchinan negativo i pa supstituí nan ku esnan positivo.
Un afirmashon fuerte ta por ehèmpel: “Mi ta akseptá ku mi ta sintimi ....., pero mi ta keda rustig trankil pasobra mi ta sintimi safe.”
Na e punto bo mes ta yena e sentimentu laf ku bo ke deshasí di dje.
E efekto serka mayoria persona ku ta menshoná e frase aki ta bira mas kalmu. Di sistema aki bo por krea espasio pa eliminá e pensamentu ménos bon definitivamente i bai sintibu bon atrobe.
Bo ta ripara mes ora algun kualidat importante di afirmashon. Na promé lugá bon o ta ninga e negativo, pero hustamente bo ta suprayá e positivo. Pues “keda rustig trankil” na lugá di “sin miedu”. E último ta traha solamente kontra-produktivo. Banda di esei ta bon pa hasi uzo di e palabra “pero”. Diferente trener ta purba siñabu pa no bisa “pero” nunka. Mi promé reakshon tabata: “Pero dikon?”
Loke ta pasa ku e palabra “pero” ta desbaratá loke bo a bisa anteriormente. Un bon método pa desbaratá idiotes nan negativo. Siña bo mes pa kada bes ku bo pensa riba un kos negativo bo pone “pero” dirèkt su tras.
Bo ta mira esnan ku ta bisa “si, pero” ta bai para den un otro lus di dia. Si bo pensa un biaha: “e kos ei mi no por”, ta bon pa bo sigui pensa “, pero mi ta bai purba tòg pa mi wak ki mi por logra”.Palabra nan manera “keda” i “pasobra” ta yuda bon dor di ku nan ta sugerí ku e situashon tabata hopi diferente i ku tin bon motibunan pa kual bo lo bai sintibu pronto hopi mas mihó. Konsientemente bo ta komprondé ku lógikamente mirá ku e no ta kuadra kompletamente, pero bo sub konsiente tin e tendensia pa realis’é tòg.
