Último tempu tin hopi skirbi i papia tokante di kua ta e mihó manera pa bo realisá bo metanan. Den esei ta sali for di e punto di bista ku bo sa kaba kiko bo ke. Mayoria biaha ta trata di optené material luhoso i karu. Mi tin e opinion ku un bida riku ta kontené algu otro ku hopi sèn riba kuenta di banko. Pa ami ta trata mas pa siña kon pa resolvé i klousurá na un manera rápido momentunan negativo den bo bida. Manera ku gran parti di bo tempu bo por gosa di momentunan bon di bida.
E momentunan ei bo por amplia nan na dos sistema:
- E promé ta pa dil konsientemente ku e momentu mes. Dor di retené mihó kiko bo ta mira, tende, sinti i pensa. Dor di na manera di bisa para ketu un ratu i retrasá tempu, e momentu bon ta bira mas grandi.
- Tambe dor di bai bek na e momentunan bon di den pasado i bolbe rebibá kon bunita e tabata. Ku un aktitut asina bo ta yena bo bida ku momentunan bon so.
Tòg ami ta stipulá loke mi mester soña. Esei ta zona konsiderablemente dirigí pero al fin al kabo kasi tur hende ta di akuerdo ku mi ku enbèrdat esaki ta loke mester tin den bo soño. Pasobra mi ta kere fiel den e idea ku pa bo mes bo mester tin un soño. No pa kore na un manera frustra tras di dje anto kada bes di tin ku i mester. No, hustamente e kontrali. Dor di laga bo subkonsiente sa di bo soño i despues lubid’é bo ta indiká loke bo gusta ora e presentá riba bo kaminda. Y e mihó manera pa laga bo subkonsiente sa algu ta di visualisá esaki.
Loke lo bo por hasi ta, visualisá kon bo ke bo bida ta aki 1 aña. Den esaki tur kos por. Di pursi e ta un soño. E úniko regla ku, mas detaye bo por agregá, mas grandi e chèns ta ku e lo bira realidat. Despues ku bo hasi esaki bo por lubidá e imágen. Bo subkonsiente ta na altura kua ta e intenshon i ta bai realisá esaki na un manera relahá. Di manera ku den e periodo benidero, loke bo topa den bo bida, sorpresábu.
E úniko ku lo mi konsehábu pa stipulá den bo soño ta lo siguiente:
- Mira bo mes ku un salu briante. E añanan benidero lo ta den kuadro di revolushonnan riba tereno di medisina. Pa e motibu aki e chèns ku aki un aña bo lo ta bria i saludabel ta grandi.
- Mira bo mes felis, i si esei ta e situashon, liber di problema.
- Mira bo mes ku e pareha di bo soño i mira ku boso ta felis. Un tep pa si bo tin un pareha kaba, visualisá e tambe.Salu, un bon sentimentu i amor ta den mi bista e metanan prinsipal ku bo por tin den bo bida. Den kaso ku bo situashon aktual ta desviá di bo ilushon, konfia den bo subkonsiente pa adaptá lo nesesario pa tresebu mas serka di bo meta.
