Asina bo sa kon bo serebro ta funshoná, bo por usa e konosementu ei pa bo sa kiko bo palabranan ta hasi ku hende.
Importante ta pa bo tin grep riba bo emoshon dor di usa bo serebro efektivamente pa bo komuniká bon. Den esaki tin algu masha importante, kual ta ku bo ta apliká abilidatnan pa komuniká inkonsientemente.
Si bo ta konsientemente okupá ku esaki, bo ta haña e siguiente situashon. Bo ta kombersando ku un hende i na mes momentu bo ta pensando kua ta e mihó manera pa bo bisa un ke otro. E konsekuensha ta ku bo ta pèrdè kontakto ku e otro persona i den e kaso mas grave, bo no ta tende kiko e otro persona ta purba bisabu. Si esei ta e kaso mihó bo no hasi uso di bo abilidatnan pa komuniká. E mihó manera pa usa e abilidatnan aki ta na un manera inkonsiente.
I esei ta lógiko tambe, pasobra idioma ta funshoná pa un gran parti na un manera inkonsiente. Na promé instante e por ta zona straño, pero e palabranan ku realmente bo ta usa den un frase, bo ta skohe nan inkonsientemente. Bo sa di kiko bo ta papia, pero bo no ta formulá e palabranan promé den mente i ripití nan despues. Na momentu ku e kombersashon ta agradabel, e palabra nan ta bini di mes. Ora bo tin un kombersashon ameno ku un amigu(a) bo ta hasi esei sin pensa. Esei ta eksaktamente e intenshon pasobra bo ta hasi konekshon.
Pues ora bo ta komuniká ta krusial pa bo no reprodusí konsientemente, pero pa bo train bo subkonsiente pa outomátikamente bo bai usa e tiki tiki. Na mes momentu bo mester purba di konfia den bo subkonsiente pa bini ku e palabranan adekuá. Esaki ta konta tambe p.e. pa hende ku tin ku duna un presentashon. Ku un kurason trankil bo por konfia ku bo subkonsiente ta formulá e frasenan adekuá. Tanten bo sa tokante di kiko bo ta papia. Ami lo bo no tende papia tokante di avion, pasobra práktikamente mi no sa nada di avion.
Mas bo trata, pa sòru pa bo sinti bo mes bon, remplasá patronchi ménos bon pa patronchi positivo i otro sistema pa biba efektivamente, mas mihó.
