*** SABIDURIA INKONVENSHONAL ***: February 2012

Dikon inkonvenshonal

Pa e simpel motibu ku e ta funshona. Riba e tereno di problemanan sikológiko método nan regular kasi no ta òf no ta funshoná mes. Anto pa esei tin un motibu. Métodonan regular ta basá riba statistiknan. Anti depresivo por ehèmpel ta traha pa 1 hende riba 3 ku ta haña nan preskribí. Pero esei ta nifiká ku pa 66% di hende nan no ta funshoná. Den e tratamentu inkonvenshonal bo no mester wak statistiknan, pero e hende riba su mes. Den mi bista kada hende ta úniko i kada ken su problema ta otro. Maske e tin mesun etikèt. Dor di siña téknikanan inkonvenshonal bo por sòru pa bo ta apto pa influenshá bo hemut positivamente. Mayoria biaha ta resultá ku remedi òf terapia no ta nesesario mas. Personalmente mi ta manten’é mi mes na e aserkamentu inkonvenshonal pasobra den práktika mi tin bon resultado. Resultado ku ta traha pa mi. Pues p’esei mi kier kompartí ku otro nan pa nan tambe deskubrí na kon un hende por sinti su mes muchu mihó anto lihé. Na e momentu ku inkonvenshonal ta traha mihó, ami ta e promé ku ta hasié na un manera inkonvenshonal. Pues p’esei: Inkonvenshonal.

* SABIDURIA INKONVENSHONAL *

Wednesday, February 1, 2012

2.

Archivo