6. Un manera pa sali for di problema

Ta fásil pa kambia e manera ku bo ta eksperensha realidat ku kambia e realidat mes.

E esensia ta pa deskubrí di ki manera bo por enfoká bo serebro riba loke ta bai bon den bo bida. Riba loke si ta funshoná. Aki ta sali for di e idea ku e serebro ta traha a base di sinku sentido, tende, mira, sinti, hole i purba. E dos delasternan ta asina inkonsiente pa mayoria di hende ku aki mi ta legumai nan.
Pues e kos ta pa bo sòru pa stòp imágennan negativo i remplasá esaki nan pa imágennan positivo den kua bo ta mira, ku maske kos bai malu un biaha, bo por resolvé problema na un manera relahá.

Esaki ta e nivel di mira. Bo serebro ta usa e bista entre otro pa visualisá imágennan tokante kon pasado tabata òf kon futuro lo bira.
Den kaso ku esaki ta informashon negativo, bo ta haña un sentimentu desagradabel i problemanan manera p.e. trouma i fobia. E kaso ta pa neutralisá e imágennan negativo aki i for di e sentimentu neutral bo train bo serebro pa e enfoká riba kiko ta bai bon i dor di kiko bo ta sinti bon.

Sinti ta opvio. En kaso ku bo no ta sinti bon, bo por stòp e sentimentu malu aki i remplas’é pa un sentimentu poderoso di trankilidat, relahashon i konfiansa propio. Aki tambe ta konta ku lo bo mester neutralisá e sentimentu negativo kambiando e den unu positivo. Mayoria biaha e paso di negativo pa positivo ta grandi pa e serebro p’esei ta bon pa tuma un pasa intermedio.

Finalmente tin tambe e oido. E por zona straño pero e oido ta duna nos pensamentu. Aki un bes mas bo ta stòp pensamentu negativo i remplasá nan pa positivo. Esaki bo por hasi dor di redikulisá e pensamentu negativo di manera bo konsiente ta laga nan los. Ku esaki tin lugá pa pensamentu positivo manera: “mi ta akseptá ku mi ta sintimi malu, mi ta keda kalmu, pasobra mi ta sintimi safe”. Ripitiendo e frase aki kada bes den bo mente bo ta haña un sentimentu mihó.

5. E sekreto di komunikashon ekselente

Manera bo sa ta importante pa bo tin grip riba bo serebro pa bo bai den e direkshon ku bo ta deseá. Si bo tin esei bo por kompartí e eksperensha i sabiduria pa komuniká mihó ku otro hende. Bo sa ki impakto bo palabranan ta hasi.

Mayoria biaha ta dividí komunikashon den un parti di kontenido, un parti di tonalidat (pensa kon rabia bo por papia ku un kachó) i un parti di komunikashon no-verbal. Mi tin e idea ku e delaster parti aki ta bruhabu, ku bo no sa eksaktamente kiko ta pasando. Posishon di kurpa i ekspreshon di kara por splika na un forma limitá kon bini hende ta komprondé otro. Ku hende ta komprondé otro ta klaramente perseptivo. Ningun hende no gusta p.e. pa mester traha huntu ku hende ku mal beis. Pues un gran parti di komuniká, na un manera ekselente, ku otro hende ta konsistí di sinti bo mes bon i emití bo poder interno i bunitesa. Pero tòg esei no ta e gran sekreto di bon komunikashon.

E sekreto real ta di siña bo mes ta fleksibel den bo komunikashon. Ku esei mi kier men ku bo ta varia bo manera di komuniká ku hende ora bo ripara ku e no ta dunabu e resultado deseá. Den esaki ta importante pa bo tuma tur responsabilidat pa trese e mensahe na un manera apropiá.

Banda di ku naturalmente e otro ku ta risibí e mensahe tambe tin un papel, e posishon pa ta responsabel pa e komunikashon propio tambe ta importante. Esei ta enserá ku ora hende no komprondébu, òf reakshoná robes, òf no hasi loke abo ta deseá, bo no mester kulpa nan, bo tin ku wak serka bo mes kiko bo por bisa e siguiente biaha pa wak si e komunikashon ta bai mihó. Esei por prevení ku bo ta hasi mes fout kada bes, i n'e mes momentu bo ta mantené e triunfo den bo mes man pasobra bo no tin mester di ningun hende, ku no ta bo mes, pa e siguiente biaha bo komuniká na un manera ekselente. Banda di esei bo por train bo sub konsiente pa durante komunikashon bini ku e palabranan korekto. Usando bo palabranan kuidadosamente bo ta hasi e impakto di e mensahe mas grandi. E esensia den esaki ta fleksibilidat den komunikashon!