Djabièrnè dia 23 tabata un bon dia pa mi a pensa tokante di sinkronisashon. E ta zona en todo kaso mas atraktivo ku djabièrnè 13. E aña aki e pelíkula The Number 23 ta sali kual a base di buki nan di algun eskritor ta bai trata di prueba ku tras di tur kos tin e sifra 23. Mas bo bai paga tinu riba esaki mas e ta sosodé. Sigur si bo wak kon bo ta dil ku bo metanan.
Hopi sistema ta preskribí ku bo mester pone metanan transparente i konsiente i ku bo mester check regular kon leu bo a realisá bo metanan. Ami mes no ta kere masha den esei. Pa ami ta mas importante pa bo haña e direkshon korekto pa bo mes, anto pa na kaminda bo deskubrí unda bo ta bai sali.
Hende tin metanan konsiente i metanan inkonsiente. Ta parse ku mas bo purba aspirá pa realisá bo metanan konsiente mas leu nan ta. E ta kousa hopi biaha mas frustrashon ku resultado. Esei tin di haber ku hende ta dirigí nan mes den e direkshon kontrali ku nan metanan inkonsiente. 95 porshento di loke bo ta hasi riba un dia ta inkonsiente. Si pa 95% di tempu bo ta bai den un otro direkshon ku konsientemente lo bo ke, lo bo no yega mucha leu.
P’esei ta importante pa bo ta konsiente di bo komportashon inkonsiente, mehorá e komportashon di manera ku e bira mas efektivo i despues bira konsiente atrobe. E último ta masha importante pasobra e komportashon nobo i mas efektivo ta bira difísil ora bo purba muchu konsientemente. Hustamente dor di laga e kòntròl konsiente lòs, bo ta duna bo sub konsiente sufisiente espasio pa bai den bon direkshon.Loke bo ta bai ripara e ora ei ta ku mas i mas kos ta bira kasual.
Ora pa “kasualidat” bo bai ta mas trankil i resultá den ménos situashon di stress lo bo por puntra bo mes ku ta bo sistema efektivo di mira kos ta e motibu, e kontesta lo ta no, “esei ta kasualidat”. E realidat ta dor di tantu kousa chikitu manera sinkronisashon i komportashon efektivo diario bo ta bira mas i mas sinkronisá riba loke realmente bo ta deseá den bo bida.
No comments:
Post a Comment