Mayoria di nos ta haña inimaginabel ku un hende ku pa añanan largu tabata den problema grandi sin mas di repente ta yega na un solushon. E idea ta hopi biaha ku un hende ku a sinti su mes malu, angustia òf depresivo asina tantu tempu, no ta libra di e sentimentu den un par di ora. Ya komo ku, loke a dura asina largu, por ta pega hopi profundo. E realidat Dios grasia ta otro. Sentimentu malu, angustioso òf depresivo ta programá den nos sélula di serebro. E sélulanan aki ta hopi chikí i no por tin referensia despues di tantu aña mizeria. Loke ku ta pasa ta ku den transkurso di tempu e sélulanan aki a wòrdu di train den komportashon negativo. E sélulanan aki no tin saber di pasado, pero sa solamente na ki manera nan ta di train. Awor mayoria biaha no ta sin mas bo ta deskustumbrá di algu, pero pensabo bon ku ta trata solamente di sélulanan masha chikí. Ku e téknikanan adekuá bo por deskustumbrá e sélulanan selebral di e komportashon negativo i siña nan e komportashon positivo. Den pasado mi a yega di eksperensha esaki, mi ta eksperenshando aworakí i lo sigui praktiká esaki sigur. Fantástiko kon, den kuestion di algun ora, bo por laga añanan largu di fèdrit los, i dirigí bo mes riba futuro.
I e kontesta riba bo pregunta, ku ta asina fásil e kos ei ta bai, ta SI!
Nos tur por imaginá nos mes ku un eksperensha troumátiko por markabu pa hinter bo bida. Ku mes fasilidat bo por haña bo serebro den bon direkshon en bes di e direkshon robes. E úniko ku nos mester ta meditashon i hopi importante den esaki ta e medio ambiente apropiá. Un ambiente ku ta di kuido, yen di amor pero prinsipalmente humorístiko. E poder pa hari e problemanan ku bo tabata tin ta sumamente fuerte. No solamente bo ta produsí Endorfine* den bo serebro ora bo ta hari, pero bo ta sinti hopi mas mihó. E kombinashon di humor i téknikanan ku kual, na un manera positivo bo ta hasi un impakto fuerte riba bo serebro, ta sòru pa rápidamente i efektivamente bo por kambia. Di manera ku bo por sòru pa bo bida bai den e direkshon ku abo ta deseá
*Endorfina semper a eksiste den nos kurpa e ta e variante natural di morfina. Kontrali di Morfina Endorfina ta oumenta prestashon.
4 comments:
Enbèrdat ora bo les’é bo por duda ku e kambio di negativo pa positivo ta fásil òf no. Pa kibra ku e pensamentu ei komo hende bo mester rekonosé primeramente ku bo tin ku kambia. Anto ora bo rekonosé esei, pa i di bo mes, no tin nada mas fásil ku e kambio.
E ta bon skirbi atrobe Does, sigui asina. Sòru pa abo no kambia.
K@rel
Senjora Rass tin algun ehempel di meditashon ku mi por huza?
Danki pa e palabranan.
Señora danki pa bo reakshon. Un meditashon fásil ku mi por rekomendábu ta esun den e artíkulo nr. 1. Keda pendiente pa e artíkulo tokante di Angelnan den kua bo por lesa maneranan fásil, kòrtiku i práktiko kon pa meditá.
Danki lo mi keda pendiente
Post a Comment